Qayda pozan piyada əli ilə sürücüdən ona yol verməsini istədi - VİDEO

Paytaxtın Binəqədi rayonunda qayda pozan piyada kameraya düşüb.

Avtosfer.az-ın məlumatına görə, hadisə bir müddət əvvəl səhər saatlarında qeydə alınıb. Kadrlardan göründüyü kimi, orta yaşlı kişi yolu müəyyən olunmamış yerdən keçərək həm özünü, həm də sürücüləri təhlükə qarşısında qoyub.

Belə ki, yolun ortasında dayanan piyada hər iki istiqamətdən gələn avtomobillərin hərəkətinə mane olub. Hətta o, yaxınlaşan avtomobilin sürücüsünə əl işarəsi ilə dayanaraq ona yol verməsini bildirib. Lakin görüntünü qeydə alan sürücü piyadanın bu hərəkətinə baxmayaraq yoluna davam edib.

Qeyd edək ki, yolu müəyyən olunmuş yerlərdən keçmək həm piyadaların təhlükəsizliyi, həm də nəqliyyatın normal hərəkəti baxımından vacibdir.

Nərmin