Qəfil yola çıxan “VAZ” təhlükə yaratdı - Sürücü möhtəşəm manevrlə xilas oldu - REAL VİDEO

Astara rayonunda qayda pozan sürücü təhlükə yaradıb.

Avtosfer.az-ın məlumatına görə, hadisə sentyabrın 12-də saat 06:25 radələrində baş verib. Videodan da göründüyü kimi, “VAZ” markalı avtomobilin sürücüsü manevr qaydasını pozub. Belə ki, o, üstünlüyə malik olan “Mercedes” markalı maşının qarşısına qəfil çıxaraq qəza riskinə səbəb olub. Bu vaxt “Mercedes” sürücüsü peşəkarcasına davranıb və dərhal sol zolağa manevr edərək qəzanın qarşısını alıb. 

Xatırladaq ki, Yol Hərəkəti Haqqında Qanuna əsasən, üstünlük hüququna malik nəqliyyat vasitəsinin qarşısına çıxmaq qadağandır. Yəni sürücü hərəkət istiqamətində “Yol ver”, “Dayan” və ya digər nişanlara, həmçinin üfüqi işarələrə əməl etməli, üstünlük hüququ olan avtomobili buraxmalıdır.

Döngə və kəsişmələrdə, əgər nişan və ya işıqfor yoxdursa, sürücü həmişə sağ tərəfdən gələn nəqliyyat vasitəsinə yol verməlidir.

Nərmin