Rusiya sərnişin avtobusuna zərbə endirib - 30 nəfər ölüb - FOTO

Rusiya qüvvələrinin Ukraynanın Donetsk vilayətinin Kramatorsk şəhərində sərnişin avtobusuna endirdiyi zərbə nəticəsində 30 nəfər ölüb, 18 nəfər yaralanıb.

Avtosfer.az xəbər verir ki, bu barədə “Ukrainskaya Pravda“ Donetsk vilayətinin hərbi administrasiyasının rəhbəri Vadim Filaşkin və vilayət prokurorluğuna istinadən məlumat yayıb.

Məlumata görə, zərbə oktyabrın 8-də saat 10:00 radələrində endirilib.

İlkin məlumatlara görə, 12 nəfərin öldüyü və 14 nəfərin yaralandığı bildirilmişdi. Lakin daha sonra Donetsk vilayət prokurorluğu ölənlərin sayının 30-a, yaralananların sayının isə 18-ə yüksəldiyini açıqlayıb.

Ukrayna tərəfinin məlumatına görə, avtobusların yüksək dəqiqlikli idarə olunan aviasiya bombaları ilə vurulduğu ehtimal edilir.