Rusiyada yayılan virus NƏDİR? - Bu ölkə hərəkətə keçdi

İndoneziya hökuməti Rusiyanın Sibir bölgəsində naməlum səbəbdən pnevmoniya şübhəsi ilə bir şəxsin ölümündən sonra ölkəyə giriş məntəqələrində nəzarəti artırıb.

Avtosfer.az xəbər verir  ki, Antara xəbər agentliyinin məlumatına görə, İndoneziya Səhiyyə Nazirliyinin İctimaiyyətlə Əlaqələr Bürosunun rəhbəri Aji Muhavarman Rusiyada baş verən pnevmoniya hadisəsindən sonra giriş məntəqələrində səhiyyə tədbirlərinin sərtləşdirildiyini bildirib.

Muhavarman bildirib ki, şübhəli pnevmoniya hadisəsi ilə bağlı "qlobal səhiyyə xəbərdarlığı" olmasa da, strateji giriş məntəqələrində, xüsusən də Balidəki hava limanlarında və limanlarda nəzarət artırılıb.
Bu kontekstdə İndoneziyaya səyahət edənlər üçün onlayn sistemə yüklənmiş məcburi "sağlamlıq bəyannaməsi forması" vasitəsilə zəruri yoxlamaların aparılması, sərnişinlərin klinik simptomlara görə monitorinqi və ölkəyə daxil olan sərnişin gəmilərinin müxtəlif qiymətləndirmələrə məruz qalması kimi tədbirlərin həyata keçirildiyi bildirilir.
2 oktyabrda İrkutsk Vilayətinin qubernatoru İqor Kobzev bölgə sakinində "şübhəli xüsusilə təhlükəli infeksiya" ilə bağlı məlumatdan sonra sanitar və epidemioloji nəzarət komissiyasının fövqəladə iclasının keçirildiyini elan edib.
Bəzi sosial media kanalları həmin gün vəba ilə mübarizə institutunun əməkdaşının "pnevmonik vəba"dan öldüyünü yazır.
Dünən Rusiya İnsan Sağlamlığı və İstehlakçı Hüquqlarının Müdafiəsi Federal Xidməti (Rospotrebnadzor) Sibir və Uzaq Şərq İrkutsk Vəba ilə Mübarizə İnstitutunun əməkdaşına "səbəbi bilinməyən pnevmoniya" diaqnozu qoyulduqdan sonra xüsusi tədbirlərin həyata keçirildiyini bildirib./Oxu24.com