Şabranda sexdə təmir olunan yük maşını aşdı, ölən var

Şabran rayonunda avtomobil ustası faciəvi şəkildə ölüb.

Avtosfer.az oxu.az-a istinadən xəbər verir ki, hadisə iyunun 16-sı saat 12 radələrində rayonun Sincanboyad kəndindəki avtomobil təmiri sexində baş verib. Sexdə usta işləyən Şabran şəhər sakini, 1971-ci il təvəllüdlü Ədalət Şövlət oğlu Nəcəfov "Mercedes" markalı yük avomobilini qurğu üzərində təmir edərkən avtomobil həmin qurğudan sürüşüb divara çırpılıb. Hadisə nəticəsində usta yük avtomobili ilə divar arasında qalaraq ölüb.

Faktla bağlı araşdırma aparılır.