Sabunçuda budanmış ağacın təhlükəli budağı maşınları əzə bilər - VİDEO

Paytaxtın Sabunçu rayonu, Aydınbəyov küçəsində yol kənarındakı nəhəng ağac təhlükə yaradır.

Avtosfer.az-ın məlumatına görə, bu barədə izləyicilərdən biri redaksiyanın “WhatsApp” ünvanına videomaterial göndərərək məlumat verib.

Şikayətçinin sözlərinə görə, ağacın budaqları budansa da, təhlükə yaradan əyilmiş hissə aradan qaldırılmayıb. Kadrlardan da görünür ki, ağac gövdəsindən etibarən əyilmiş vəziyyətdədir və onun budaqları yolun hərəkət hissəsinə doğru sallanır.

Vətəndaş bildirir ki, həmin hissədən avtomobillər keçərkən əyilmiş budaq nəqliyyat vasitələrinə toxuna və onların zədələnməsinə səbəb ola bilər. Bu səbəbdən ağacın təhlükə yaradan hissəsinin aradan qaldırılmasının vacib olduğu vurğulanır.

Nərmin