Sakinlər “Lido” restoranındakı səs-küydən narazıdır - VİDEO

Yüksək musiqi sədaları gecə boyunca sakinlərin yuxusunu ərşə çəkir.

Avtosfer.az xəbər verir ki, görüntülər Binəqədi rayonu Atatürk prospekti 69 ünvanındandır. Sakinlərin sözlərinə görə, “Lido” restoranından gələn yüksək musiqi səsi demək olar ki, hər gün onların istirahətinə mane olur və hətta evlərinin içərisində belə aydın şəkildə eşidilir.

Sakinlər iddia edirlər ki, yaranan vəziyyət ətrafdakı binalarda yaşayan insanların da rahat istirahətinə mane olur.

Restoranın inzibatçısı isə sakinlərin iddiası ilə razılaşmır.

İnzibatçı onu da qeyd etdi ki, sözügedən iaişə obyektində ümumiyyətlə toy məclisləri keçirilmir.