Salyanda dörd yaşlı uşaq faciəli şəkildə ÖLDÜ - VİDEO

Salyan rayonunda dörd yaşlı uşaq faciəli şəkildə ölüb.

Avtosfer.az Baku TV-yə istinadən xəbər verir ki, kənd sakinlərinin sözlərinə görə, ailə əvvəlcə azyaşlının itdiyindən şübhələnərək onu axtarmağa başlayıb. Bir müddət sonra isə babası azyaşlının cansız bədənini həyətlərindəki su quyusunda aşkarlayıb.

Bildirilib ki, ailə həyətlərində quraşdırılmış müşahidə kameralarına baxıb. Görüntülərdə uşağın quyuya düşdüyü məlum olub.

***14 mart, 11:57
Salyan rayonunda azyaşlı bədbəxt hadisənin qurbanı olub.

Avtosfer.az xəbər verir ki, hadisə martın 13-ü saat 12 radələrində Qaraçala qəsəbəsində qeydə alınıb.

Qəsəbə sakini 2022-ci il təvəllüdlü Əli Pərvin oğlu Ağarzazadə həyətlərindəki su quyusuna düşərək ölüb.

Faktla bağlı Salyan Rayon Prokurorluğunda araşdırma aparılır.