Sarayda müəllim şagirdi vurub? – AÇIQLAMA - FOTO

Saray qəsəbə 1 nömrəli tam orta ümumtəhsil məktəbində müəllimin şagirdin üzünə vurması ilə bağlı görüntülər yayılıb.

Avtosfer.az “Qafqazinfo”ya istinadən  xəbər verir ki, bu barədə tanınmış bloqer Saleh Nəsirov məlumat paylaşıb.

Məsələ ilə bağlı Abşeron-Xızı Regional Təhsil İdarəsinə sorğu ünvanladıq.

Qurumdan sorğumuza cavab olaraq bildirildi ki, hadisə ilə bağlı araşdırma aparılır:

“Sosial şəbəkələrdə Saray qəsəbə 1 nömrəli tam orta ümumtəhsil məktəbində müəllimin şagirdə qarşı uyğunsuz davranışı ilə bağlı məlumatlar yayılıb. İlkin araşdırma zamanı müəllim tərəfindən “Təhsilverənlərin etik davranış qaydaları”nın pozulduğu müəyyən edilib. Bu səbəbdən onun barəsində intizam tənbehi tədbiri görülüb. Hadisə ilə bağlı hüquq-mühafizə orqanları tərəfindən araşdırma aparılır”.

Məlumatda qeyd edilib ki, ümumi təhsil müəssisələrində təlim-tədris prosesi ilə yanaşı, şagirdlərin təhlükəsizliyi və daxili nizam-intizam qaydalarına riayət olunmasına nəzarət daim diqqət mərkəzində saxlanılır və bu istiqamətdə zəruri tədbirlər görülür.