Skuterlə əks yola çıxan məktəbli avtomobillərin üzərinə sürdü, son anda… - VİDEO

Paytaxtın Molla Pənah Vaqif küçəsində təhlükəli vəziyyət qeydə alınıb.

Avtosfer.az-ın məlumatına görə, hadisə iyunun 6-da saat 11:27 radələrində baş verib. Görüntülərdən məlum olur ki, skuterlə hərəkətdə olan yeniyetmə qəfil əks istiqamətli hərəkət zolağına çıxaraq nəqliyyat axınına qarşı hərəkət edib. Bu zaman yolda ciddi təhlükəli vəziyyət yaranıb.

Kadrlarda görünür ki, həmin anda qarşı istiqamətdə hərəkət edən sürücü operativ reaksiya göstərərək avtomobili vaxtında saxlayıb. Bununla da baş verə biləcək qəzanın qarşısı alınıb.

Qeyd edək ki, xüsusilə son dövrlər skuterlərdən istifadə edən yeniyetmələr arasında yol hərəkəti qaydalarına laqeyd yanaşma halları artıb. Əks istiqamətdə hərəkət isə ən təhlükəli qayda pozuntularından hesab olunur. Belə hallarda sürücülərin ani qərar vermək üçün vaxtı minimuma enir və kiçik bir ehtiyatsızlıq faciə ilə nəticələnə bilər.

Nərmin