Sumqayıtda avtobus qəfil tüstüləndi – Ətrafı duman bürüdü - VİDEO

Sumqayıt şəhərində marşrut avtobusunda tüstülənmə hadisəsi qeydə alınıb.

Avtosfer.az-ın məlumatına görə, hadisə mayın 21-də səhər saatlarında baş verib. Belə ki, 15 nömrəli marşrut xətti üzrə hərəkət edən “Isuzu” markalı müntəzəm sərnişin avtobusunun mühərrik hissəsində qəfil tüstülənmə yaranıb.

Hadisə zamanı sürücü dərhal avtobusu saxlayaraq sərnişinləri nəqliyyat vasitəsindən düşürüb. Daha sonra ilkin müdaxilə olunaraq vəziyyətin genişlənməsinin qarşısı alınıb.

Əraziyə tüstü yayılması səbəbindən yolda qısa müddətli sıxlıq müşahidə olunub.

Nərmin