Süni intellekt mütəxəssislərinin ölkədən çıxışına məhdudiyyət qoyuldu

Çində süni intellekt sahəsində çalışanların ölkədən çıxması üçün xüsusi icazə sistemi tətbiq ediləcək.

Avtosfer.az xəbər verir ki, qərar sentyabrın 15-də qüvvəyə minəcək. Məhdudiyyətlər ilk növbədə “Alibaba” və “DeepSeek”in əməkdaşlarına aiddir. Onlar hər bir xarici səfərlərini dövlət qurumları ilə razılaşdırmalıdırlar.

“Bloomberg”in məlumatına görə, Pekin bu addımı ABŞ-nin dünyanın müxtəlif ölkələrindən mühəndis kadrları cəlb etməsi ilə əsaslandırır.

Hazırda ABBŞ-nin İKT şirkətlərində çox sayda Çin əsilli şəxs çalışır. Onlar aşağı ranqlı işçilərdən tutmuş rəhbərlərədək müxtəlif postları tuturlar. Bu mütəxəssislərin çoxu ya Amerikada doğulub, ya da artıq bu ölkənin vətəndaşıdır. Əcnəbi İKT mütəxəssislərini Amerikaya çəkən amil ilk növbədə yüksək maaş və karyera artımıdır. Karyera yüksəlişində etnik amillərin nəzərə alınmaması da ABŞ şirkətlərinin xeyrinə işləyir. 

Araşdırmaya görə, ABŞ-də işə başlayan 100 çinli mütəxəssisin 87-si 6 il sonra geri qayıtmamağa qərar erib. Onlardan 41-i böyük şirkətlərdə çalışır, 40-ı isə professor elmi adını alıb.

Vüqar