Sürücü səkidə gedən qadını vurub ayağını qopardı - VİDEO

İstanbulun Kağıthane səmtində idarəetməni itirən avtomobil sürücüsü əvvəlcə digər maşına, daha sonra isə səkidə gedən qadına çırpılıb. Avtosfer.az İHA-ya istinadla xəbər verir ki, ayağı kəsilən qadın dünyasını dəyişərkən, saxlanılan sürücü həbs edilib. Avtomobilin sürətlə yamacdan endiyi anlar təhlükəsizlik kamerasına düşüb.

Hadisə martın 19-da saat 16.30 radələrində Talatpaşa rayonunda baş verib. Əldə edilən məlumata görə, sürətlə hərəkət edən “Fiat” markalı 34 GCZ 594 nömrə nişanlı avtomobilin sürücüsü sükanın idarəetməsini itirərək əvvəlcə digər maşını, daha sonra əks istiqamətdə səki ilə gedən Gülsüm Akgünü (48) vurub. Zərbənin təsirindən qadının ayağı qopub. Qəzanı görən vətəndaşlar polis və təcili yardıma xəbər verib.

Ayağının kəsildiyi bildirilən qadın bütün müdaxilələrə baxmayaraq həyatını itirib. Qəzaya səbəb olan 35 yaşlı sürücü Nurhan Barut polis tərəfindən saxlanılıb və məhkəmə qərarı ilə həbs olunub. Digər tərəfdən qəzaya səbəb olan avtomobilin sürətlə həərəkət etdiyi anlar təhlükəsizlik kamerasına düşüb.Hadisə ilə bağlı araşdırmalara başlanılıb.(azpost)

Videonu təqdim edirik: