Tanınmış iş adamı oteldə FACİƏVİ ŞƏKİLDƏ ÖLDÜ

"Amerikalılar" (The Americans) realiti-şousunun ulduzu, israilli iş adamı Yakir Levi ABŞ-də oteldə yıxılaraq həyatını itirib.

Avtosfer.az xəbər verir ki, bu barədə "New York Post" nəşri məlumat yayıb.

Faciə iyulun 20-də axşam saatlarında Floridada, Sanni-Ayls-Biç (Sunny Isles Beach) şəhərindəki otellərdən birində baş verib.

Məlumata görə, iş adamının 45 yaşı var idi. O, İsraildə dəfn olunacaq.

Qeyd edək ki, Yakir Levi İsraildə doğulub, daha sonra ABŞ-yə köçüb. Amerikada təbii fəlakətlərdən zərər çəkmiş binaların bərpası üzrə öz biznesini qurub. O, 2025-ci ildə "Channel 13" telekanalında yayımlanan və ABŞ-də böyük uğurlar qazanmış israilli mühacirlərdən bəhs edən "Amerikalılar" şousunun iştirakçısı olub.