Taski şirkətinə 150 min ziyan vuran qadın saxlanıldı - VİDEO

Türkiyənin Bursa şəhərində taksi dayanacağında baş verən insidentin yeni görüntüləri yayılıb. 

Avtosfer.az xəbər verir ki, hadisə Nilüfer rayonunda, Bursa Şəhər Xəstəxanasının taksi dayanacağında qeydə alınıb.

Məlumata görə, 32 yaşlı qadın taksidə müştəri olmasına baxmayaraq, avtomobilə minmək istəyib. Növbədə olan digər taksiyə yönləndirildikdən sonra qadın əsəbiləşərək dayanacaqda vandalizmə başlayıb. O, külqabını götürərək şüşələri sındırıb, avadanlıqlara ziyan vurub. Hadisə ərazidə olan şəxslər tərəfindən mobil telefonla lentə alınıb. Qadının taksi dayanacağına zərər vurduğu anın görüntüləri təhlükəsiz kamerasına düşüb.

Taksi dayanacağının rəhbərliyi bildirib ki, insident nəticəsində təxminən 150 min lirə (təxminən 5 850 manat) maddi ziyan dəyib. Dayanacaq rəhbəri Mustafa Turanın sözlərinə görə, qadın “Taksilər məni sevmir” deyə qışqıraraq işçiləri təhqir edib, lakin qadın olduğu üçün müdaxilə etməyiblər.

Hadisədən sonra qadın polis tərəfindən saxlanılıb, daha sonra məhkəməyə çıxarılaraq məhkəmə nəzarəti şərti ilə girov müqabilində azadlığa buraxılıb.
Qeyd edək ki, insidentlə bağlı araşdırma davam edir.

Eltac Zülfüqaroğlu