Təyyarə havada paraşütçü qadını vurub

Avstriyada turist təyyarəsi havada paraşütçü ilə toqquşub. Təyyarə çardağa dəyərək qadının yerə yıxılmasına səbəb olub. Avtosfer.az "Sfera"ya istinadən bildirir ki, qadın yalnız ehtiyat paraşütü sayəsində xilas ola bilib. Paşütçü Sabrina, Avstriyanın şimalındakı Şmittenhoeh dağının yaxınlığında uçarkən çəkdiyi videonu paylaşıb. Birdən kiçik bir turist təyyarəsi onun paraşütünün başına bir neçə santimetr məsafədə çırpılıb. Kadrlarda onun təcili paraşütü açmağa çalışarkən idarəetməni itirməyə başladığı və çarəsizcə qışqırdığı görünür. Paraplan örtüyü zərbədən yarıya bölünüb. 
Möcüzəvi şəkildə o, iplərdən qurtulub təcili paraşütü açmağı bacarıb. Daha sonra videodakı ucadan iniltisindən də göründüyü kimi, olduqca çətin eniş edib. Avstriyanın "Kronen Zeitung" qəzetinin məlumatına görə, təcrübəli paraplançı daha sonra polis vertolyotu tərəfindən götürülərək yerli hava limanına aparılıb. "Hələ də inana bilmirəm ki, burada oturub bunu yazıram: bir neçə xoşagəlməz qançırlar və ümumi ağrılardan başqa, ciddi bir şey baş verməyib"- deyə Sabrina qeyd edib.

Hakimiyyət orqanlarının məlumatına görə, 28 yaşlı kişinin idarə etdiyi gəzinti təyyarəsi Zell am Zee hava limanına təhlükəsiz şəkildə eniş edib. Pilot isə bildirib ki, paraplanla toqquşmadan qaçmaq mümkün olmayıb.