Tovuzda ana 3 aylıq körpəsini ataraq yoxa çıxdı - YENİLƏNİB

Tovuzda yaşlı qadının evində körpəsini atıb gedən ananın şəxsiyyəti məlum olub.

Avtosfer.az APA-ya istinadən xəbər verir ki, körpənin anası Nuranə Əhmədova Mingəçevir şəhər sakinidir.

Azyaşlı isə 2026-cı il təvəllüdlü F.Əhmədovadır.

Polis araşdırma aparır.

***12:35

Tovuzda ana körpə qızını yaşlı qadının evində atıb gedib.

Avtosfer.az APA-ya istinadən xəbər verir ki, ortayaşlı qadın Tovuz rayonda yaşlı qadının evinə gəlib və çöldə qaldığını bildirib.

Yaşlı qadın uşağı və anasını evinə dəvət edib. Bundan sonra uşağın anası yemək almaq adı altında evi tərk edib, geri qayıtmayıb. Dərhal yaşlı qadın hüquq-mühafizə orqanlarına məlumat verib.

Hazırda körpə Tovuz rayon Mərkəzi Xəstəxanasına yerləşdirilib. Məlumata görə, sabah uşaq sığınacağa yerləşdiriləcək.

Hadisə ilə bağlı polis tərəfindən araşdırma aparılır.