Xətaidə “Prius” anidən partlayaraq alışdı, yanğın digər maşınlara da keçdi - VİDEO

Paytaxtın Xətai rayonunda avtomobil yanaraq yararsız vəziyyətə düşüb.

Avtosfer.az-ın məlumatına görə, hadisə fevralın 3-də axşam saatlarında qeydə alınıb. Belə ki, “Toyota Prius” markalı maşın qəfil partlayaraq alovlanmağa başlayıb. Yanğının elektrik naqillərindəki qısaqapanmadan qaynaqlandığı bildirilib. Nəticədə maşının mühərrik hissəsində başlayan yanğın qısa zamanda digər hissələrinə də yayılıb. Xoşbəxtlikdən yanğın ərazidəki digər maşınlara keçməyib. Yüksək temperaturdan yaxınlıqdakı avtomobillərin ön və arxa buferi əriyib.

Qeyd edək ki, əraziyə Fövqəladə Hallar Nazirliyinin Dövlət Yanğından Mühafizə Hissəsinin əməkdaşları cəlb olunub. Avtomobil qısa müddətdə zərərsizləşdirilib. 

Nərmin