Yasamalda hərəkətdə olan “Changan” qəfil alışdı - FHN müdaxilə etdi - VİDEO

Paytaxtın Yasamal rayonu, Yeni Yasamal yaşayış massivi ərazisində hərəkətdə olan avtomobil yanaraq yararsız vəziyyətə düşüb.

Avtosfer.az-ın məlumatına görə, hadisə iyunun 3-də saat 13:40 radələrində qeydə alınıb. Belə ki, “Changan” markalı avtomobil hərəkətdə olarkən qəfil alışmağa başlayıb.

Məlumata əsasən, sürücü vəziyyəti vaxtında fərq edərək avtomobildən düşüb. Nəqliyyat vasitəsinin ön hissəsində başlayan yanğın qısa müddətdə genişlənərək avtomobili yararsız hala salıb.

Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin qüvvələri cəlb olunub və alovun ətrafa yayılmasının qarşısı alınıb. 

Yanğının başvermə səbəbi araşdırılır.

Nərmin