Yerüstü keçidin yanından yolu keçən kişi irada məhəl qoymadı - VİDEO

Paytaxtın Binəqədi rayonunda qayda pozan piyada kameraya düşüb.

Avtosfer.az-ın məlumatına görə, hadisə bir müddət əvvəl günorta saatlarında qeydə alınıb. Kadrlardan göründüyü kimi, orta yaşlı kişi yolun hərəkət hissəsində dayanaraq müəyyən olunmamış yerdən keçməyə çalışıb. Bu zaman ərazidən keçən sürücülərdən biri ona piyada keçidindən istifadə etməli olduğunu bildirib. Piyada isə əli ilə sürücüyə narazılığını bildirərək irada məhəl qoymayıb və hərəkətdə olan avtomobillərin arasından yolu keçib.

Videoda hadisə yerinin yaxınlığında piyadaların təhlükəsiz hərəkəti üçün yerüstü piyada keçidinin olduğu da aydın görünür.

Xatırladaq ki, piyadalar yolu keçərkən onlar üçün nəzərdə tutulmuş keçidlərdən istifadə etməli və hərəkətdə olan nəqliyyat vasitələrinin qarşısına qəfil çıxmaqdan çəkinməlidirlər.

Nərmin