Yolun asfaltlanmayacağını görən Ramana sakinləri çarəni görün nədə tapdı - VİDEO

Paytaxtın Sabunçu rayonu, Ramana qəsəbəsində yolların bərbad vəziyyətdə olması sakinləri çıxış yolu axtarmağa vadar edib.

Avtosfer.az xəbər verir ki, ərazidə yaşayan sakinlərdən biri bununla bağlı sosial şəbəkə hesabında görüntülər paylaşıb.

Kadrlardan görünür ki, bir neçə sakin yolun kənarında dayanaraq ərazidən keçən sürücülərə müraciət edir və yolun təmiri üçün pul toplayır. Paylaşımı edən şəxs də onlara pul verdikdən sonra sakinlərin bu addımı niyə atdıqlarına aydınlıq gətirir.

Onun sözlərinə görə, yolun uzun müddətdir bərbad vəziyyətdə olması və aidiyyəti qurumlardan nəticə əldə edə bilməmələri sakinləri öz hesablarına pul toplamağa məcbur edib. Onlar yola asfalt çəkilməsi üçün imkanları daxilində vəsait toplamağa çalışırlar.

Görüntülərdə yolun kələ-kötür vəziyyətdə olduğu, bu səbəbdən sürücülərin hərəkət zamanı çətinliklə üzləşdiyi də aydın görünür.

Nərmin