Yolun ortasında təhlükəli anlar: Piyada avtomobillərin önünü kəsib… - VİDEO

Ağcəbədi rayonu, Əjdər Məlikov küçəsində sürücülər üçün təhlükə yaradan piyadanın hərəkətləri kameraya düşüb.

Avtosfer.az-ın məlumatına görə, hadisəni əks etdirən görüntülər sosial şəbəkələrdə yayılıb.

Kadrlardan görünür ki, gənc oğlan yolun hərəkət hissəsində dayanaraq avtomobillərin hərəkətinə mane olur. O, nəqliyyat vasitələrinin qarşısını kəsir, sürücülərə yaxınlaşaraq əl-qol hərəkətləri edir. Bəzi sürücülər piyadadan yayınmaq üçün əks hərəkət zolağına çıxmağa cəhd göstərsələr də, o, bu zaman da onların hərəkətinə maneə yaradıb.

Hadisə zamanı sürücülərin ehtiyatlı davranması baş verəcək yol-nəqliyyat hadisəsinin qarşısını alıb.

Qeyd edək ki, piyadaların yolun hərəkət hissəsində bu cür davranışları həm özlərinin, həm də digər hərəkət iştirakçılarının həyatı üçün ciddi təhlükə yaradır.

Video sosial şəbəkə istifadəçiləri tərəfindən birmənalı qarşılanmayıb. İzləyicilərin bir qismi görüntülərdə əks olunan şəxsin psixoloji vəziyyətinin normal olmadığını, səhhəti ilə bağlı problem yaşadığını qeyd edib. 

Nərmin