Antarktida Yerə gələn meteoritləri canına çəkir  

Böyük Britaniyanın Mançester Universitetinin əməkdaşları 2020-ci ildə meteorit axtarışı məqsədilə Antarktidaya gedəcəklər. Avtosfer.az sputnik-ə istinadən xəbər verir ki, alimlər qalın buz laylarının altında metal mənşəli meteoritlərin olduğunu güman edirlər. Bunu Antarktidada qeyri-metal mənşəli xeyli meteoritin tapılması faktı da təsdiqləyir. Qeyd edək ki, 2015-ci ilin dekabrına olan statistikaya görə burada 34 min 927 meteorit tapılıb. Bu, Yerdə aşkarlanmış bütün meteoritlərin ümumi sayının 66,3 faizini təşkil edir.