Astronavtlar açıq kosmosa çıxdılar

Beynəlxalq Kosmik Stansiyanın astronavtları açıq kosmosa çıxıblar. Amerikalı astronavt Peqqi Uitson və Cek Fişer həftənin cümə günü açıq kosmosa çıxma əməliyyatını həyata keçiriblər. Kosmonavtlar stansiyanın ətrafına yüksək keyfiyyəli kamera və simsiz antenlər quraşdırıblar, bir sıra tapşırıqları yerinə yetiriblər. Bu barədə NASA-nın saytında məlumat yerləşdirilib. Bu sayca 200-cü çıxış idi və 4 saat 13 dəqiqə davam edib. Əməliyyata fransız astronavt Tom Peske kömək edib. Əvvəlcə bəzi problemlər olsa da, əməliyyat uğurlu alınıb.