Azərbaycan gətirilən yük maşınları 1500 manatdan çox bahalaşıb - QİYMƏT

2024-cü ildə Azərbaycana 141 milyon 26 min dollar dəyərində 8 min 430 ədəd yük avtomobili idxal olunub.

Avtosfer.az bu barədə Dövlət Gömrük Komitəsinin hesabatına istinadən xəbər verir.

2023-cü illə müqayisədə yük avtomobilinin idxalı dəyər ifadəsi ilə 25 milyon 675 min dollar və ya 22,3%, miqdar ifadəsi ilə isə 1 143 ədəd və ya 15,7% artıb.

2023-cü ildə xaricdən 115 milyon 352 min dollar dəyərində 7 min 287 ədəd yük avtomobili gətirilmişdi.

1 ədəd yük avtomobilinin orta idxal qiyməti 2024-cü ilin nəticələrinə görə orta hesabla 16 min 729 dollar (28 min 439 manat) olub ki, bu da son  bir ildə 899 dollar (1 529 manat) və ya 5,7% bahalaşma deməkdir.

2023-cü ilin yanvar-dekabr aylarında isə 1 ədəd elektromobilin orta idxal qiyməti 15 min 830 dollar (26 min 911 manat) olub.