Bu müsəlman ölkəsində sürücülərə yaş həddi tətbiq edilir - FOTO

Son aylarda dünyanın əksər ölkələrində yaşlı sürücülərlə bağlı müzakirələr intensivləşib.

Avtosfer.az xəbər verir ki, bu məsələdə bir dilemma mövcuddur: uzun illərin təcrübəsi sürücünün qəzadan yayınmasına imkan verir. Lakin təbii amillər də nəzərə alınmalıdır. Belə ki, orqanizm qocalkdıqca reaksiya müddəti artır, görmə qabiliyyəti aşağı düşür. 

Müsəlman ölkələrində yaşlı sürücülərə münasibət birmənalı deyil. Məsələn, BƏƏ, Küveyt və Omanda yaşı 60-ı ötən sürücülər üçün tibbi müayinə intensivləşdirilir – 6-18 ay arası. 

Səudiyyə Ərəbistanında isə məsələ konkretdir: 75 yaşı tamam olan şəxs sükan arxasına keçə bilməz. Sürücülük vəsiqəsinin son həddi 75 yaşdır. Bu qayda etibarlı sürücülük vəsiqəsi olan əcnəbilərə də şamil edilir. Qaydanı pozan şəxsi çox ağır cərimə gözləyir.

FAKT: Ötən ilə aid statistikaya görə Səudiyyə xəstəxanalarındakı çarpayıların 30 faizdən çoxunu yol qəzasında xəsarət alanlar tutur.

Vüqar Yaşaroğlu