Dünyanın ən bahalı aviabileti satışa çıxarıldı

Birləşmiş Ərəb Əmirliklərinə məxsus “Etihad Airways” aviaşirkəti dünyada ən bahalı təyyarə biletlərini satışa çıxarıb. Avtosfer.az a24.az-a istinadən xəbər verir ki, aviabiletin qiyməti 80,5 min dollardır. Bu biletlə “Etihad Airways”lə Londondan Melburna uçmaq mümkün olacaq. Bileti alan təyyarədə 3 otaqlı VİP nömrə ilə təciz olunacaq. Nömrə yataq, qonaq və hamam (vanna) otaqlarından ibarətdir. Yataq otağında iki nəfərlik çarpayı var və bu, hava nəqliyyatı uçuşlarında yenilik hesab edilir. Həmçinin otaqlarda 2 televizor, şəxsi qulluqçu və aşpaz var. Daha əvvəl dünyada ən bahalı aviabilet 75,9 min dollar olub. Bu biletlə Nyu-Yorkdan Mumbai şəhərinə uçmaq olar.