Dünyanın ən böyük döyüş abidəsi: "Böyük Okean Yolu" - VİDEO

Birinci Dünya müharibəsindən qalan - avstraliyalı əsgərlərin döyüşdə həyatını itirənlərin şərəfinə tikdikləri və dünyanın ən böyük döyüş abidəsi olaraq bilinən "Böyük Okean Yolu" (Great Ocean Road), ölkəni ziyarət edən turistlərin ən çox maraq göstərdiyi məkanlardan biridir. Avtosfer.az Türkiyə mətbuatına istinadən məlumat verir ki, avstraliyalı əsgərlərin 1919-1932 illər arasında inşa etdiyi 224 kilometr uzunluğundakı "Böyük Okean Yolu", Victoria əyalətinin Torquay rayonundan başlayır və Warramboll şəhərində sona çatır.

Avstraliya Milli İrs Siyahısında da yer alan "Böyük Okean Yolu", təbii gözəllikləri ilə barabər, konsertlər, velosiped yarışları və marafonlara ev sahibliyi etməklə diqqəti çəkir.

"Böyük Okean Yolu"nun ətrafındakı yollar dünyanın ən rahat infrastrukturu hesab edilir. "Böyük Okean Yolu"nu ziyarət edən turistlər, abidənin keçdiyi yolu avtomobil kirayəyə götürərək keçirlər. Onlarla qəsəbəni bir-birinə bağlayan abidə ciddi qorunur.