Generalın kefini burnundan gətirdilər – Evinə qırıcı təyyarə ilə gedirmiş

Hərbi Hava Qüvvələrinə məxsus qırıcı təyyarədən şəxsi səfərləri üçün istifadə edən general məsuliyyətə cəlb olunub. Avtosfer.az yenicag.az-a istinadən xəbər verir ki, Fransa Hərbi Hava Qüvvələrinin generalı Rişar Rebul ölkənin qırıcı təyyarələri ilə azı 10 dəfə şəxsi səfərə çıxıb. Bordodakı aviabazadan Provensdəki evinə gedib-gələn general əsasən “Alpha Jet” təyyarələrindən istifadə edib. Qeyd olunur ki, Bordo ilə Provens arasındakı 480 kilometrlik məsafəni maşınla 6 saata, sərnişin təyyarəsi ilə (Marselə 1 saatlıq səfərdən sonra) ilə 30 dəqiqəyə getmək mümkündür. Lakin general Rebul özünə əziyyət verməyərək, “Alpha Jet”lə cəmi 28 dəqiqəyə özünü evə çatdırırmış.