Hind qızları palçığa batan avtobusu dartıb çıxardılar

Hindistanda qəribə hadisə baş verib. Avtosfer.az "ölkə.az"a istinadən xəbər verir ki, onlarla tələbə qız palçığa batan avtobusu dartıb çıxarıblar. Hadisə Hindistanın şimali-qərbində, Manipur əyalətində baş verib. Litseyin qız tələbələri Loktak gölündən gəzintidən qayıdırmışlar. Dik yamacda avtobus palçığa batıb. Qızlar avtobusdan enərək uzun kəndirlə avtobusu dartaraq palçıqdan çıxarmağı bacarıblar. Qeyd edək ki, ötən ay Manipurda bir gün ərzində baş verən avtomobil qəzalarında 20 nəfər həlak olmuşdu.