“Kapital Bank”ın 2 ilə həll edə bilmədiyi sadə problem

Təxminən 2 il əvvəl M10 tətbiqi kütləvi reklam edilərkən ciddi maraq doğurdu. Metrolarda, əhalinin sıx toplaşdığı yerlərdə reklamçı qızlar proqramı yükləmək üçün insanlara kömək edirdilər.

Bu təkliflərdən birinə qulaq asaraq mən də təxminən 2 il əvvəl tətbiqi yüklədim və bir müddət istifadə etdim. İlk vaxtlar hər şey yaxşı gedirdi. Tətbiqdən gediş haqqını ödəmək üçün istifadə edirdim. Ən maraqlı iş isə bütün avtobuslar üçün balansdan standart 50 qəpik çıxılması idi. Məsələn, 1 manat 30 qəpiklik aeroport ekspresi də, şəhərdaxili avtobus da M10-la cəmi 50 qəpik idi.

Qoca Səmədovun oğlu Yevlaxda adam güllələdi - SƏBƏB

Tətbiqə pul yükləməyi isə “Kapital Bank” kartı ilə aparırdım. Əvvəlcə hər şey yaxşı gedirdi. Sonradan necə oldusa bu kartla M10 balansını artırmaq mümkün olmadı. Məsələ ilə bağlı “Kapital Bank”a 2 dəfə müraciət etsəm də, heç nə alınmadı. Digər kartlarla ödəniş mümkün olsa da, “Kapital Bank” kartımla ödəniş mümkün olmur. 

Ödəniş mümkün olmadığı üçün tətbiqdən istifadəni dayandırdım. Bu yaxınlarda isə mənə “Kapital Bank”dan zəng edərək tətbiqi nə üçün 1 ildir istifadə etmədiyimi soruşdular. Mən problemi dedikdə nəzakətlə məsələnin həll ediləcəyini dedilər. İşi tezləşdirmək üçün ertəsi gün bankın filiallarından birinə müraciət edib problemi bildirdim. Yenə də söz verildi, lakin problem həll edilmədi. 

Beləcə, xırda bir texniki problemə görə, kifayət qədər praktik olan M10 tətbiqindən istifadə etmək mümkün olmur.

Vüqar