Kök polislər işdən qovuldu

Kök polislər işdən çıxarılıb. Avtosfer.az-ın istipress-ə istinadən verdiyi məlumata görə, bu addım Tacikistanda atılıb. Artıq çəki onlarla polisin işini itirməsinə səbəb olub. Bu haqda qərar artıq çəkidən azad olma ilə bağlı başlanılan kampaniyanın nəticəsində verilib. "İlin əvəllindən bu günə kimi 10-dan bir az artıq polis arıqlaya bilməyib. Digər əməkdaşlar isə 5-20 kq arası çəkidən azad olublar. Onlar idmanla məşğul olmağa davam edirlər", - deyə Daxili İşlər Nazirliyinin nümayəndəsi bildirib. İlin əvəllində Tacikistanın daxili işlər naziri Ramazon Rahimzoda piylənmədən əziyyət çəkən polislərlə bağlı tapşırıq verib. Nazir deyib ki, müşahidələrinə görə, artıq çəki işə mənfi təsir edir və dərhal arıqlamaq lazımdır. Təlimata görə, boyu 168-170 skm olan hüquq mühafizəçilərinin çəkisi 75 kq-ı ötməməlidir. 180 sm boy üçün nəzərdə tutulan çəki isə 85 kq idi. Normaya uyğun olmaq üçün polislər həftədə 3 dəfə xüsusi təchiz edilmiş idman zallarına gedib, gündə 5 km qaçıb və digər fiziki məşqlərə başlayıblar.