Küçədə piton ilanla gəzən gənc oğlan saxlanılıb

Almaniyanın Darmştadt şəhərində şalvarının cibində piton ilanı gəzdirən sərxoş gənc oğlan polis tərəfindən saxlanılıb. Avtosfer.az "Report"a istinadən xəbər verir ki, polisi hadisə yerinə yerli sakinlər çağırıb. Polis əməkdaşları onun üzərinə baxış zamanı 35 santimetrlik piton ilanı aşkar ediblər. Hazırda gənc oğlanın bu hərəkət ilə heyvanların müdafiəsinə dair qanunları pozub-pozmadığı araşdırılır.