Məmur işdən azad edilib - 10 il işə getmədiyinə görə

İspaniyada Valensiya şəhərinin rəhbərliyi 10 il ərzində işə getməyən, amma əmək haqqı alan arxiv əməkdaşını işdən azad edib. Avtosfer.az-ın Trend-ə istinadən məlumatına görə, Karles Resio 2006-cı ildən başlayaraq hər gün səhər 07:00-da işdə qeydiyyatdan keçib evə gedirmiş, saat 16:00-da isə iş vaxtının bitdiyini bildirən imzanı atmaq üçün işə qayıdırmış. Asudə vaxtlarında K.Resio komikslər çəkməklə məşğul olduğunu bildirib. Qeyd olunur ki, onun illik əmək haqqı 50 min avro həcmində olub.