Metro stansiyalarında sərnişinlərə Şaxta baba və Qar qız sürprizi - FOTO
Maraqlı
28 Dekabr 2016 14:17
Oxunub 1860
Tədbirə "28 may" metrostansiyasından start verilib
"Bakı Metropoliteni" Qapalı Səhmdar Cəmiyyəti (QSC) metro stansiyalarında növbəti dəfə bayram əhvalı yaşadıb. Avtosfer.az trend-ə istinadən xəbər verir ki, bu gündən etibarən metro stansiyalarında 31 dekabr - Dünya Azərbaycanlılarının Həmrəylik Günü və Yeni il münasibətilə tədbirə start verilib. Şaxta baba və Qar qız metronun kiçik sərnişinlərinə - uşaqlara müxtəlif hədiyyələr, oyuncaqlar hədiyyə edəcək.
Tədbirə "28 may" metrostansiyasından start verilib. Tədbirdə Şaxta Baba və Qar qız obrazlarında "Bakı Mertopoliteni" QSC-nin rəhbər işçiləri - qurumun mətbuat xidmətinin rəhbəri Nəsimi Paşayev və marketinq şöbəsinin rəisi Lalə Babayevadır.
Şaxta baba və Qar qız bütün metro stansiyalarını gəzərək balaca sərnişinlərə hədiyyələr paylayıb. Tədbir 2 gün davam edəcək.
Xatırladaq ki, "Bakı Metropoliteni" QSC ötən il də bu cür tədbir keçirmişdi.
ŞƏRH YAZ
