Milyader sərvətini suya xərclədi

Norveçli iş adamı Kjell İnge Roekke 2 milyard olduğu təxmin edilən sərvətinin böyük bir hissəsini okeanlara bağışlayıb. Avtosfer.az-ın istipress-ə istinadən verdiyi məlumata görə, o bağışlayacağı pullarla okeanların plastik materiallardan təmizlənməsini təşkil edən bir gəmiyə dəstək verəcək. Gəmi Dünya Təbiəti Qoruma Vəqfi ilə birlikdə işləyir. Əvvəl sadə bir balıqçı olan, sonra daxil olduğu neft sektorunda uğur qazanıb milyonlar əldə edən K.Roekke gəlirinin bir hissəsini cəmiyyətə geri qaytarmaq istədiyini deyib. O bu barədə Norveçin “Aftenposten”qəzetinə açıqlamasında bildirib. Araşdırma gəmisi okeandan 5 ton plastik məhsul çıxaracaq.