Naməlum şəxs aviaşirkət rəhbərinin üzünü torta bulaşdırdı - VİDEO

Naməlum şəxs Avstraliyanın "Qantas" aviaşirkətinin icraçı direktoru Alan Coysun üzünü biznes konfransında torta bulaşdırıb. Avtosfer.az-ın salamnews-a istinadən verdiyi xəbərə görə, hadisə Pert şəhərində şirkət rəhbəri uçuşlar barədə çıxış edərkən baş verib. Videoda həmin şəxsin işgüzar geyimdə səhnəyə çıxdığı, A.Coysa yaxınlaşdığı və tortu onun üzünə yaxdığı əks olunur. Şirkət rəhbəri iclas zalını tərk edib, lakin nitqini sona çatdırmaq üçün pəncəksiz şəkildə zala qayıdıb. Təhlükəsizlik xidmətinin əməkdaşları hadisəni törədən şəxsi saxlayaraq polisə təhvil veriblər.