NASA: Marsa insan göndərmək üçün pulumuz yoxdur

NASA-nın hazırki maliyyələşmə səviyyəsində agentliyin Marsa insan göndərməsi proqramı çətin ki, təyin edilən vaxtda – iyirmi birinci əsrin otuzuncu illərinin ortalarına həyata keçirilsin. Avtosfer.az-ın Oxu.az-a istinadən xəbərinə görə, bu barədə  bu barədə NASA-nın pilotlaşdırma proqramları üzrə departamentinin rəhbəri Bill Qerstenmayer deyib. O bildirib ki, ABŞ-ın Milli Aeronavtika və Kosmos İdarəsinin “Qırmızı planetə” missiya göndərmək üçün sadəcə pulu yoxdur. “Bizim büdcə ilə bağlı ciddi problemlərimiz var”, - NASA nümayəndəsi deyib. Qerstenmayer qeyd edib ki, büdcənin əsas hissəsi SLS raketi və “Orion” kosmik aparatına sərf edilib, bu səbəbdən NASA-nın Marsın səthinə enmək üçün aparatın hazırlanmasına lazımi vəsaiti qalmayıb.