Sürücülük vəsiqəsinə də “zerkalnı nömrə” almaq olacaq

Avtomobilə “bərkgedən nömrə” almaq üçün çox adam əlavə pul ödəməyə hazırdır. Amma indi sürücülük vəsiqəsi üçün də “yaddaqalan nömrə” seçmək mümkün olacaq. Əlbəttə ki, Azərbaycanda yox. 

Avtosfer.az xəbər verir ki, Özbəkistanda yaxın həftələrdə şəxsiyyət vəsiqəsi, sürücülük vəsiqəsi və pasportlar üçün “maraqlı nömrələr” hərraca çıxarılacaq. Hər bir Özbəkistan vətəndaşı hərracda onu maraqlandıran rəqəm və kombinasiyadan ibarət sənədi ala biləcək. 

Hərraclar başlamasa da, maraq kifayət qədər böyükdür.  

Yeri gəlmişkən, Özbəkistanda taksi xidməti lisenziyalaşdırılır. Aprelin 1-dən “cibxərcliyi üçün taksovatlıq etmək” mümkün olmayacaq.

Vüqar Yaşaroğlu