Tıxacdan bezən milyarder özü üçün şəhərin altına tunel çəkdirir - Şok açıqlama

Tesla və SpaceX şirkətlərinin sahibi, məşhur milyarder İlon Mask işə vaxtında çatmaqçün və tıxacdan birdəfəlik canını qurtarmaqçün Los-Ancelesdə tunel çəkdirir. O, bu haqda Tvitter hesabında yazıb: “Tıxac məni dəli edir. Bu səbəbdən tunel qazan maşın düzəldib, yeri qazmağa başlayacam".

Mask tunel layihəsini «The Boring Company»,yəni maraqsız şirkət adlandırıb. Bir çox istifadəçilər bunu zarafat kimi qəbul etsə də, SpaceX-in sahibi sonrakı tvitində bunu təstiq edib: “Tunel məsələsində möhtəşəm proses gedir. Bir aya qazmağa başlayacam.”

Tunelin bir çıxışı Los-Ancelesdə SpaceX-in ofisinə çıxacaq. Tunel vasitəsilə aeroporta 5 dəqiqəyə çatmaq ümükün olacaq. Ola bilsin ki, tunelin digər çıxışı Teslanın ofisinə çıxacaq. Bu isə təxminən 500 km edir.

aznews.az