Uşaqları ilə birlikdə dünya səyahətinə çıxan fransalı ailələr Cəlilabadda - VİDEO

Üç azyaşlı uşaqla birlikdə dünya səyahətinə çıxan fransalı ailələr Cəlilabada çatıblar. Avtosfer.az xəbər verir ki, əslən Faransadan olan 2 ailə 5 ay öncə velosipedlə səfərə çıxıblar. Azyaşlıların valideyni Keriv Vokey deyir ki, uşaqlarla birlikdə səyahət etmək onun çoxdankı arzusu olub. Uşaqlara görə onlar daha ləng hərəkət etməli olurlar. Orta hesabla gün ərzində 50 km. yol gedirlər. Bu da onların yerli sakinlər və ölkələrlə daha da yaxından tanış olmasına şərait yaradır.

Uşaqların ən kiçiyinin 1, digərinin 3, böyüyünün isə 5 yaşı var. Pula qənaət etmək üçün isə hər iki ailə yol kənarında çadırda gecələyirlər.

Əcnəbi turistlər Azərbaycandan sonra İran, oradan da gəmi ilə Omana və Cənub-Şərqi Asiya ölkələrinə səfər etməyi planlaşdırırlar.