"Yadplanetliyəm" deyib insanları aldatdı - 8.5 illik həbs

Macarıstanda qəribə hadisə baş verib. Avtosfer.az "ölkə.az"a istinadən xəbər verir ki, yadplanetli olduğunu deyərək insanları aldadan bir şəxs 1.3 milyon avro qazanc əldə edib. Hadisə Szeged şəhərində baş verib. Məhkəmə prosesinə görə 2004-2014-cü illər ərzində ölkənin müxtəlif bölgələrində özünü yadplanetli kimi qələmə verən və dünya xaricindəki varlıqlarla əlaqədə olduğuna bir çox insanı inandıran 54 yaşlı şübhəli şəxsə 8.5 il həbs cəzası kəsilib. Məhkəmənin hökmü ilə cəzalandırılan şəxs inandırdığı adamlara ömürlərini uzatmaq və hədəflərinə çatmaq üçün bəzi testlərdən keçirib və onlardan 1.3 milyon avro pul alıb.