Avtobus dayanacağı yoxdur, amma sürücüyə cərimə yazılıb - ŞİKAYƏT - FOTO - VİDEO

Qayda pozmadığı halda cərimələnən sürücü redaksiyamızın qaynar xəttinə müraciət edib. Avtosfer.az xəbər verir ki, hadisə Şamaxı şəhərində baş verib. Onun sözlərinə görə, idarə etdiyi 10-SR-525 dövlət nömrə nişanlı “Tofaş” markalı avtomobili şəhərin mərkəzi bazarının qarşısında dayanma-durma qadağan edilməyən ərazidə saxlayıb. Buna baxmayaraq, sürücünün barəsində inzibati cərimə tətbiq olunub. Qərarda qeyd edilib ki, avtomobil guya avtobus dayanacağında park edilib.

Sürücü isə həmin yerdə nə avtobus dayanacağı nişanının, nə də nişanlanma xəttinin olduğunu bildirir. Ərazidən çəkilmiş videogörüntüdə də avtobus dayanacağını bildirən nişanın olmadığı açıq şəkildə görünür.

Sürücü məsələ ilə bağlı Dövlət Yol Polisi İdarəsinə rəsmi ərizə ilə müraciət etdiyini, lakin hələ də cavab ala bilmədiyini qeyd edib.

Fərid