12 avtomobil bir-birinə çırpıldı: 25 yaralı

İspaniyanın şimal-şərqində 12 avtomobilin iştirakı ilə zəncirvari yol qəzası baş verib. Avtosfer.az “TASS”a istinadən xəbər verir ki, insident Kataloniyanın San-Sadurni-D’Anoya yaşayış sahəsində qeydə alınıb. Bu barədə “El Periodico” nəşri məlumat yayıb.

Nəşrin məlumatına görə, nəticədə 25 nəfər xəsarət alıb. Yaralılardan 8 nəfərinə hadisə yerində ilkin tibbi yardım göstərilib, qalanlar isə xəstəxanalara yerləşdirilib.

Hadisə səbəbindən yolda 15 kilometrlik tıxac yaranıb.

Polis qəzanın baş vermə səbəblərini araşdırır.

Namiq