“20 Yanvar”da zəncirvari qəza - Üç avtobus toqquşdu - VİDEO

Paytaxtın Yasamal rayonu, “20 Yanvar” metrosunun yaxınlığında zəncirvari yol-nəqliyyat hadisəsi baş verib.

Avtosfer.az-ın məlumatına görə, qəza fevralın 12-də səhər saatlarında Müzəffər Həsənov 19 ünvanında qeydə alınıb.

Belə ki, “BakuBus” MMC-yə məxsus 14 nömrəli müntəzəm marşrut xətti üzrə hərəkət edən 77-JV-510 dövlət nömrə nişanlı “BYD” markalı avtobus, dayanacaqda dayanmış “BYD” və “Daewoo” markalı ictimai nəqliyyat vasitələriylə toqquşub.

Hadisə nəticəsində hər üç avtobusa maddi ziyan dəyib, sürücü və sərnişinlər arasında xəsarət alan olmayıb. 

Qeyd edək ki, faktla bağlı araşdırma aparılır. 

Nərmin