ABŞ-da yol qəzalarında ölənlərin sayı 3 ildir 40 mindən aşağı düşmür

ABŞ-da yol qəzalarında ölənlərin sayı 3 ildir 40 mindən aşağı düşmür. Avtosfer.az-ın Trend-ə istinadən məlumatına görə, bu barədə qeyri-kommersiya təşkilatı sayılan Milli Təhlükəsizlik Şurası bildirir. Məlumatda deyilir: "2018-ci ildə təxminən 40 000 nəfər yol qəzalarında həlak olub - 2017-ci (40 231 ölüm) və 2016-cı (40 327 ölüm) illərlə müqayisədə 1% azalma müşahidə edilir".

Bundan əlavə qeyd edilir ki, 4,5 milyona yaxın insan ötən il ərzində yol qəzaları nəticəsində ciddi xəsarətlər alıb. Ən çox ölüm halları Florida, Minnesota, Nevada, Nyu-Hempşir, Oreqon, Pensilvaniya və Vaşinqton ştatlarında qeydə alınır.