Abşeronda sərnişin avtobusu 2 piyadanı vurub

Abşeron rayonu, Xırdalan şəhərində yol-nəqliyyat hadisəsi nəticəsində 2 nəfər yaralanıb. Avtosfer.az-ın ONA-ya istinadən xəbərinə görə, M.Ə.Rəsulzadə küçəsində yolu keçmək istəyən 2004-cü il təvəllüdlü Mirzəzadə Mərziyyə Sahib qızı və 2002-ci il təvəllüdlü Cəfərov Saday Rövşən oğlunu 535 saylı xətt marşutu üzrə hərəkət edən sərnişin avtobusu vurub.

Yaralılar təcili tibbi yardım vasitəsilə 1 saylı Kliniki Tibbi Mərkəzə yerləşdirilib. Həkimlərin verdiyi məlumata görə, M.Mirzəzadənin vəziyyəti ağırdır.

Faktla bağlı Abşeron Rayon Polis İdarəsində araşdırma aparılır.