“Ağ Şəhər”də zolaq dəyişən sürücü qəzaya səbəb oldu - ANBAAN VİDEO

Paytaxtın Xətai rayonu, “Ağ Şəhər” ərazisində baş verən yol-nəqliyyat hadisəsi avtomobilin videoregistratoru tərəfindən qeydə alınıb.

Avtosfer.az-ın məlumatına görə, hadisə yanvarın 26-da saat 16:18 radələrində baş verib. Görüntülərdən məlum olur ki, sağ zolaqda hərəkət edən sürücü qarşısında dayanmış avtomobili görərək sola manevr edib. Bu zaman o, sol zolaqdakı “Mercedes Vito” markalı maşınla toqquşub.

Hadisə nəticəsində hər iki nəqliyyat vasitəsinə maddi ziyan dəyib.

Qeyd edək ki, hər bir sürücü zolaq dəyişdirərkən  mütləq güzgülərdən istifadə etməli, hərəkətdə olan nəqliyyat vasitələrinin məsafəsini düzgün qiymətləndirməli və qəfil manevrlərdən çəkinməlidirlər.

Nərmin