Ağcabədidə ağır yol qəzası: 2 ölü, 3 yaralı

Ağcabədi rayonunda ağır yol qəzası baş verib.  Avtosfer.az-ın "Report"a istinadən verdiyi məlumata görə, hadisə rayonun Hüsülu kəndi ərazisində qeydə alınıb.

Belə ki, "Lada Priora" və "Mitsubishi Pajero" markalı minik avtomobilləri toqquşub. Nəticədə "Lada Priora"nın sürücüsü Elsəvər Məmmədov və həyat yoldaşı Həyat Məmmədova hadisə yerində ölüblər. Digər avtomobildə olan üç nəfər Akif Babayev, Qara Babayev və Əlirza Əsgərov isə müxtəlif dərəcəli bədən xəsarətləri ilə Ağcabədi Rayon Mərkəzi Xəstəxanasına yerləşdirilib. Onların vəziyyətinin orta-ağır olduğu bildirilir.

Faktla bağlı araşdırma aparılır.