Ağcabədidə iki avtomobili toqquşdu: 3 nəfər yaralanıb - FOTO

Ağcabədi rayonunda iki minik avtomobili toqquşub. Avtosfer.az-ın "Report"a istinadən verdiyi məlumata görə, hadisə rayonun Təzəkənd kəndi ərazisində qeydə alınıb. Belə ki, "VAZ-2106" markalı avtomobillə "VAZ-2107" markalı avtomobil toqquşub. Nəticədə hər iki avtomobilin sürücüləri - Elnur İmanov və Vüsal Əhmədov, sərnişin Orxan Əhmədov ağır bədən xəsarəti alıb. Hər üç yaralı Ağcabədi Rayon Mərkəzi Xəstəxanasının Travmatologiya və Reanimasiya söbəsinə yerləşdiriliblər. Həkimlər yaralıların vəziyyətini orta-ağır qiymətləndirir. Faktla bağlı rayon Polis şöbəsində araşdırma aparılır.